سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
دادگاى باڵاى تاوانى عێراق تایبه‌ت به تاوانى ئه‌نفال دانیشتنى سی و نۆیه‌مى خۆى ساز كرد
anfalistan – هه‌ولێر:دادگاى باڵاى تاوانى عێراقى تایبه‌ت به دادگایكردنى شه‌ش له داروده‌سته‌كه‌ى رژێمى به‌عس به تاوانى ئه‌نفالكردنى گه‌لى كوردستان دانیشتنى سی و نۆیه‌مى خۆى به سه‌رۆكایه‌تی دادوه‌ر محمه‌د ئه‌لعرێبى خه‌لیفه ساز كرد .
ئه‌م دانیشتنه‌ش درێژه‌ى دانیشتنه‌كانى دیكه بو كه تایبه‌تن به نمایشكردنى به‌ڵگه‌نامه‌كانى سه‌لماندنى تاوانه‌كه‌ى رژێمى به‌عس.
له‌م دانیشتنه‌دا داواكارى گشتى ژماره‌یه‌ك به‌ڵگه‌نامه‌ى تایبه‌ت و نهێنى نمایش كرد كه ده‌سه‌لمێنن ده‌زگاكانى داپۆڵسینى به‌عس ئه‌و تاوانه گه‌وره‌یه‌یان به شێوه‌یه‌كى تۆكمه و داڕێژراو ئه‌نجام داوه و ئامانجیشیان قه‌تڵوعامكردنى گه‌لى كوردستان بوه.
یه‌كێك له به‌ڵگه‌نامه‌كانى لیژنه‌ى روبه‌روبونه‌وه‌ى چالاكی دوژمنكارانه‌ى پارێزگاى كه‌ركوك ئاماژه به گواستنه‌وه‌ى سى و سێ خێزانى هه‌ولێر ده‌كات بۆ گرتوه‌خانه‌كانى به‌عس.
ژماره‌یه‌ك به‌ڵگه‌نامه‌ى دیكه‌ش كه له لایه‌ن چه‌ند ده‌زگاكانى به‌عسه‌وه ده‌رچون ئه‌وه رون ده‌كه‌نه‌وه كه چۆن پیاوانى به‌عس به شێوه‌یه‌كى نایاسایى ره‌فتاریان له گه‌ڵ ته‌رمى شه‌هیدانى كورد كردوه.
ژماره‌یه‌ك به‌ڵگه‌نامه‌ى دیكه‌ش كه داواكارى گشتى خستیه رو ئه‌وه رون ده‌كه‌نه‌وه كه رژێمى به‌عس فه‌رمانى به سیخوڕى ده‌زگاكانى خۆى كردوه به‌دواى ئه‌و خێزانانه‌دا بگه‌ڕین كه له ئه‌نجامى ئۆپه‌راسیۆنه‌كانى به‌عسدا خۆیان له ناوچه‌كانى دیكه‌ى كوردستان شاردبۆوه و ده‌ستگیر بكرێن و ره‌وانه‌ى گرتوخانه‌كان بكرێن.
به‌ڵگه‌نامه‌یه‌كى سه‌رۆكایه‌تى ده‌سته‌ى ئه‌ركانى سوپاى به‌عس كه ئاڕاسته‌ى ده‌زگاكانى سوپا و حزبى به‌عس كراوه ئاماژه به به‌كارهێنانى چه‌كى كیمیایى له یه‌كێك له ناوچه‌كانى كوردستان له مانگى ئایارى 1988 .
ئه‌رشيف
